Soyuq skamya
Mart küləyi
Yazın gəlişinə qorxub
Ağac koğuşunda
Gizlənən
Köhnə yarpaqlar
Yarpaqlardakı üşüyən xatirələr
Sənsizlikdən cana yığılıb
Ruhumu cırmaqlayan
Qəlbim.
Susuz dodaqlarıma sığınan
Sevirəm sözü.
Peşiman baxışlarda gizlənən
Duyğulandığım gülümsər portretlərin...
Bir də ki, mən.

Riyaziyyat aləmində belə çixdaşlar olur. Bunun səbəbi nədir? Yoxsa bunlar səhvdir? Yoxsa bunlar riyazi aləmin görünməyən üzləridir?  Buna oxşar başqa riyazi hesablamalar da olur. məs: 1+1=1.5

ps: Özüm çox fikirləşdim bunun üstünde və doğurdan da a=b olarsa, riyazi qanunlara uyğun olaraq cavab 2=1 olmalıdır. Şərh yazın. Düşünürəm mənim səhv olduğumu başa salacaqsız mənə...

ardına baxın... 

Elm adamları 47 ildən artıqdır ki, işıq ili uzaqlığında olan Aurigae günəşi sistemində, dünyadan 48 min 840 dəfə böyük bir planetin olduğunu aşkar edib. Kəşf edilən yeni Günəş sisteminin ən böyük planeti Yupiterden 37 dəfə iri olduğu söylənilir. Alimlərin fikrincə, bu yeni planet dünyanın necə meydana gəldiyi yönündə önəmli ip ucları da verəcək.

Mənbə: Təbib qəzeti

İngiltərənin aparıcı riyaziyyatçılarından biri, London Universitetinin  professoru Kroidi alimlərin 140 il üzərində baş sındırdığı Şvarç-Kristoffel teoreminin həllini tapıb. “Tayms” qəzetinin yazdığına görə, universitet məşğələsində tələbə cavab verən zaman professor oturduğu yerdə qəfildən yuxulayıb və röyasında teoremin universal həllini tapıb.
140 il qabaq hazırlanmış Şvarç-Kristoffel formulu müxtəlif obyektlərin, o cümlədən binaların, körpülərin, hətta təyyarələrin layihələndirilməsində istifadə olunur. Bu formul vasitəsilə strukturun daxili və xarici müqaviməti, eləcə də onun möhkəmlik dərəcəsi hesablanır. Bununla bele, klassik formul dəliyi olan və qəliz formalı mürəkkəb obyektlərin layihələndirilməsində istifadəyə yaramayıb. Professor Kroidi bu məsələni də həll edib, beləliklə, formul universal xarakter alıb. Son elmi nailiyyət riyazi modelləşdirmənin tətbiq sahəsini dəfələrlə genişləndirib.

Mənbə: Təbib qəzeti. 

ABŞ yaxın beş il ərzində dünyanın müxtəlif ölkələrində QİÇS ilə mübarizəyə 50 milyard dollar sərf edəcək. Bu, 2003-2008-ci illərdə Amerika hökümətinin bu bəlaya qarşı yönəltdiyi vəsaitdən üç dəfə çoxdur.

  QİÇS ilə mübarizəni maliyyələşdirmək planı istər Respublikaçılar, istərsə də Demokratların dəstəyi ilə Nümayəndələr Palatası tərəfindən təsdiq edilib.

  ABŞ konqresində demokratik çoxluğun lideri Nensi Pelessi deyib ki, bu bizim epidemiyaya qarşı mübarizədə mənəvi borcumuzdur.

  Ötən ilin mayında ABŞ prezdenti Nümayəndələr palatasından QİÇS ilə mübarizə üçün 30 milyard dollar ayrılmasını xahiş etmişdi. Bu vəsait 2,5 milyon xəstənin müalicəsi üçün nəzərdə tutulub.

  Ağ Ev xəbər verir ki, indiki məqamda QİÇS ilə mübarizənin Amerika proqramı üzrə 1,5 milyon adam müalicə oluna bilər.

  ABŞ əvvəlcə Vyetnamda, Hayanedə, Haitidə və 12 Afrika ölkəsində QİÇS ilə mübarizəyə yardım göstərib. İndi proqram daha da genişləndiriləcək və Malavi, Svazilend, Lesoto və Karib körfəzinin bəzi ölkələrini əhatə edəcək.

Mənbə: Təbib qəzeti.